Record # 39 (Sawyer 1362, dated 990)

[BL Add. 46204 frags.]

In usses drihtnes noman. Ic oswald arcebisceop mid geþafunge and leafe þæs arwurðan hyredes on wiogerna ceastre ge iunges ge ealdes gebocige sumne dæl landes minan holdan and getriowan men þæm is æþelmær nama on twam stowum twega hida landes on iii manna dæg ane hide on cumtune on his hamstealle and half þone wudu þærto and oþre on mersce for his eadmodre hyrsumnysse and for his licweorðan feo þæt is twa pund merehwites seolfres. and xxx . euwna mid hiora lambum. and iiii . oxan and twa cy and an hors þæt is þæt he hæbbe and wel bruce his dæg and æfter his dæge .ii. erfeweardan þam þe him leofest sy and him to geearman wylle anoe læde . and hæbben tofrion ælces þinges butan wallgeworce and brygegeweorce and ferdsocne ; þis synd þære anre hide land . gemæru on merste ærest of æþestanes gemære to þam wylle on bileshamme þonne ut to þam middel geare þis wæs gedon þy geare þe wæs agan fram cristes gebyrtide nigon hund wintra and hund nigontig wintra . on þara gewitnyse þe hiora naman her beneoðan standað .

Ic oswald arcebisceop mid cristes rod tacne þas sylene gefæstnode.

Ic æþelstan primus. æþelstan presbyter

Ic eadgar presbyter. wistan presbyter.

Ic ælfsige presbyter. Ic æþelsige presbyter.

Ic godingc diaconus. . æþelric diaconus.

Ic wulfweard diaconus. leofstan diaconus.

Ic cyneðen clericus. wulfgar clericus.

Ic leofwine monachus. wulfnoð clericus.

Ic wulfwine clericus. wulfric clericus.

and Ic gean him þæs worðiges æt brynes hamme þe æþelm ahte and þæs croftes þærto beeastan þære stræte on þæt ilce gerad þe þis oðer is.