Record # 5 (Sawyer 1430, dated 789)

[Cotton Nero E. i, pt. 2, fo. 182v]

INTANBEORGE . and BRADANLEAH . ---

SECULI NAMQVE LABENTIS TEMPORA VELOCIUS VENTO AD finem tranant . ideo omnis firmas statutiones seriei litterarum adnotamus . ne forte in posterum aliquis ignorantiæ ea decreta infringere praesumat . quæ uenerabilium uirorum . fiunt uerbis confirmata :-- Anno dominice incarnationis . dc^oc . Lxx^oxvii^oii . Indictione uero . xii . qui est annus regni mei . xxxⁱ . qui offa rex merciorum uocor . factum est conciliabulum in loco qui dicitur celhhyðus presidentibus duobus archiepiscopis iamberto et higeberhto mediante quoque offan rege cum uniuersis principibus suis . ibi inter alia plurima aliqua contentio facta est inter heaðoredum episcopum et wulfherdum filium cussan . de hereditate hemeles and dude . quod post obituum suorum denominarent ad weogornaceastre . hoc est . IN tanbeorgas and bradanlæh . Wlfheardus ergo uoluit illas a weogorna ciuitate auertere cum insipientia si potuisset . sed episcopus illum uicit cum testibus quorum nomina infra notantur coram uniuersa sinodo . et aiebat quod rectum non esset . ulli alii post se tradere nisi ad weogernam ciuitatem . et preter eorum prece et amore qui illam terram adquisierunt et ad praefatam æcclesiam dederunt ; Tunc archiepiscopus cum uniuersis episcopis ita finem posuerunt . ut Wlfheardus terram possideret quamdiu uiueret . et postquam uiam patrum incederet . sine aliqua contradictione ad wigornensem æcclesiam terras atque libellos cum semet ipso redderet . ubi corpora requiescunt hemeles and dude .

Ego offa rex crucem christi imposui .

Ego iamberht gratia dei archiepiscopus signo crucis corroberatus .

Ego higebertus archiepiscopus . Ego ceorlwulfus episcopus .

Ego heardredus episcopus . Ego unuuona episcopus .

Ego heaðoredus episcopus . Ego alheardus episcopus .

Ego ceolmundus episcopus . Ego æþelmodus episcopus .

Ego cyneberhtus episcopus . Ego wærmundus episcopus .

Ego alhmundus abbas . Ego æðelheardus abbas .

Ego beonna abbas . Ego utel abbas .

Ego forðredus abbas . Ego uulfheardus abbas .

Signum brordan principis . Signum eadbaldi principis .

Signum herefridi principis . Signum alhmundi principis .

Signum ceolmundi principis . Signum beorhwaldi principis .

Signum æðelhardi principis . Signum bynnan principiS .