Record # 7 (Sawyer 1432, dated 822×823)

[Cotton Nero E. i, pt. 2, fo. 182v–BL Additional 46204 (complete folio, recto)]

BREMESGRAF . ----

CEOLVLF REX WILNADE ÐÆS LANDES ÆT BREMERgrafan to heaberhte bisceope and to his hirede . and þa sende [BL Additional 46204] he his ærendgewrit to wulfhearde to intebeorgan and het þæt he come to him and to þæm hirede . þa dyde he swa . þa hig him to spracon se bisceop and his witaN ymb þæt land þæt he his him geuþe þæt he mihte þone freodom begiten . and þa wæs he eadmodlice ondetta þæt he swa wolde . and to him wilmende wæs þæt hi him funden swylce londare swylce he mid arum on beon mihte . and his wic þær on byri beon mihte on his life . þa sende he monn to þam arcebisceope and to eadberhte and to dynne . and him heht sæcgan þæt he wilnade þæs landes æt intebeorgan . þa se arcebisceop and eadberht hit wæron ærndiende to kininge . þa com dynne to gelærde þone king . þæt he his no geþæf wæs . þa wæs higen and hlaforde lond unbefliten eghwæs . and syþþan a oþ his daga ende . gode gefultimendum :-