Record #8 (Sawyer 76, dated 691×699)

[Cotton Tiberius A. xiii, fos. 9r–v]

(Note in right margin: “fledan byrig”)

To fledanbyrg boc .

Apostolus paulus de extremo iudicio domini manifestissime loquens ita refert . Omnes enim stabimus ante tribunal christi [fo. 9v] ut recipiat unusquisque prout gessit siue bonum siue malum . Quid autem sit quod Apostolus pro meritis suis quosque percepturos adfirmat . Ipse dominus in euuangelio suo manifestat dicens . Ibunt impii in supplicium eternum . Iusti autem in uitam aeternam . Hoc sane tremendum ac terribile omnipotentis domini iudicium . Ego Aetilred christo largiente rex tota cordis formidine sine cessatione perhorresco . quapropter ut ibidem sub presentia ueniam merear adipisci . pro absolutione criminum uel meorum uel coniungis quondam meæ osðryðe . terram quae dicitur fledanburh . quadraginta . iiii^or . cassatorum capacem oftforo episcopo in possessionem tradidi ut quem admodum primitus tradita fuerat rursus per illius diligentiam monachorum in ea sub abbate degentium honestissima conuersatior exuperetur . Siquis autem pertinacium contra hanc donationem fractoris animo uenire temptauerit . eamque infringere conatus sit . sciat se sub tremendo examine penas debitas luiturum.

Ego æðelred propriam donationem corroborans titulo sanctæ crucis subscripsi.

ego headda episcopus consensi.

ego torhtwald comes consensi. ego eadwald consensi.

ego Cille consensi. ego osfrið consensi.

ego ecfrið consensi. ego tuddul consensi.

ego guðlac consensi. ego sigewald consensi.

ego folchere consensi. ego berehtred consensi.

ego oftfor episcopus donationem quam a rege accepi propria manu confirmans subnotaui.