Record # 10 (Sawyer 172, dated 814)

[Cotton Tiberius A. xiii, fos. 10r–v]

In nomine dei excelsi qui est spes omnium finium terre et in mari longe . Ego coenuulf eius melliflua gratia largiente rex merciorum cum consilio et consensu optimatum meorum quorum infra caraxata sunt uocabula . meo fideli [fo. 10v] atque uenerabili episcopo deneberhto atque eius familiæ quae sita est in weogernensi ciuitate illorum . xii . hominium pastum quae rite ad illam ciuitatem pertinent . et ad alia quae sub eius sunt potestate monasteria constituta . liberaliter perenne concedo . Quia ille episcopus et eius familia ciuitati uueogernensis mihi in perpetuam hereditatem . xiii . manentes tradiderunt. Hoc est quod monasterium quod nominatur bitumæum . iii . manentes et in occidentali plaga fluminis sabrine . x . et sic firmam pacem atque placationem inter nos omnium undique discussis conuitiorum obstaculis constituti sumus . Acta est autem haec donatio . Anno . dccc^o . xiiii^o . indictione . vii^a . in uico celeberrimo qui uocatur tomoworðig . die . vii^o . kalendas ianuarii . regni autem nostri a deo concessi . xviii^o . anno. Siquis autem hanc libertatem nostram seruare uel augere uoluerit augeat omnipotens dies suas hic et in sempiternum . Siquis autem hoc in aliquo frangere uel minuere temptauerit . Sciat se separatum alienatum atque anathematum a deo atque omnibus sanctis in die tremendi examinis nisi ante hic cum satisfactione emendauerit. Hanc libertatis donationem dominice . incarnationis . anno

Ego Coenuulf rex merciorum cum uirtute sancte crucis scribendo conroboraui.

ego uulfred archiepiscopus consensi. ego ælfðryð regine consensi.

ego ealdulf episcopus consensi æt subscripsi. ego uuerenberht episcopus consensi.

ego deneberht episcopus consensi. ego uulfheard episcopus consensi.

ego heardberht dux consensi. ego beornnoð dux.

ego dynna dux. ego ceolberht dux.

ego mucel dux. ego ceolwulf.