Record # 11 (Sawyer 185, dated 798×824)

[Cotton Tiberius A. xiii, fo. 11r]

Ego etiam coenuulf rex merciorum eodem honorabili episcopi deneberhto et eius familie uueogernensis æcclesie post uite spatium dierum meorum dabo terram . xxx . tributariorum in loco qui uocatur fledanburh propter traditionem istius prenominate terre ut perpetualiter perfruantur in euum . et dimidiam partem huius agri possessionis precipio ut cum illo ad predictam æcclesiam reddatur quae illis diebus illic æt fledanbyrig habeatur. Liberabo quoque terram istam sub testimonio illorum quorum nomina prescripta liquescunt ab omnibus seculariarum rerum honeribus duris ac leuiis . exceptis his arcis . et pontis constructione et expeditione et singulare pretium foras aduersum aliud. Ad penam uero neque quadrantem minutam foras resoluat. Siquis autem hoc seruare uel adnuere uoluerint sit benedictus a deo cæli omnium possessori. Si uero aliquis quod non optamus hoc in aliquo frangere uel minuere tentauerit . sciat se anathematum a deo in die magno nisi ante hic correctus cum satisfactione emendauerit.