Record # 1 (Sawyer 428, dated 930)

[Cotton Tiberius A. xiii, fos. 4v–6r]

Profligatis saeculi huius nefandorum facinorum turmis quibus genus rationale plus aequo pregrauatur ne libera mentis acie queat cernere uerum studendum est cunctis omni pia intentione appetere illas ineffabiles caelestis patriae opes . ac terrena mundi emolumenta nisibus totis refutando respuere. quoniam ueridico affatu [fo. 5r] illa apostolica perorat oratio dicens . Nichil intulimus in hunc mundum neque hinc aliquid auferemus . Qua de re Ego æþelstanus diuine dispensationis prouidentia tam super brittannicæ gentis quam super aliarum nationum huic subditarum imperium Eleuatus rex . de remedio animae meae premeditans diemque Tremendum Terribili Examinis ante oculos cordis Componens quam horribile erit standum ante Tribunal et conspectu aeterni iudicis . quando Totius mundi machinam uorax flamma In fauillam redigenda consumat . Ideo hanc libertatem et huius Elemosine munificentiam pro expiatione peccaminum meorum et stabilitate regni mei et Iam pro amore patriæ caelestis dabo aliquam partem Telluris mei ad ecclesiam beate dei genetricis semperque uirginis mariae quae sita est In weogerna ciuitate . hoc est In werstfelda . v . manentium . Et on coftune æt þam hamstealle . v . cassatorum . on wreodanhale . v . manentium . et In alio loco In wersethylle . et In hopwuda duorum manentium . Similiter In tertio loco . iii . manentes Id est . nominatus wihtlafesfeld . Ea conditione ut libera permaneat . In aeuum Tamdiu fides christiane religionis apud anglos In brittannia permaneat . Soluto sit ab omni humano seruitutis iugo . et ab omnibus saecularibus Tributis . et uectigalibus cum cunctis utilitatibus ad illam aecclesiam rite pertinentibus . siluis . Campis . pratis . pascuis . fluminibus . excepto pontis . uel arcis reedificatione et uiatica expeditione Contra hostes . [fo. 5v] Anno dominice incarnationis . dcccc . xxx . regni uero mihi comissi . vi . Indictione . vii . epacta . III . Concurrente . ii . septimis Iunii idibus luna . xx^ai . In ciuitate . Omnibus nota quae lundonia dicitur . Tota Optimatu generalitate sub alis regie dapsilitatis ouanti prescritpa Est . Cuius etiam Inconcusse firmitatis auctoritas his Testibus roborata constat . Quorum nomina subtus grammulis depicta annotantur.

Ego æþelstanus singularis priuilegii Ierarchia preditus rex . huius acumen Indiculi cum signo sancte crucis corroboraui Et subscripsi. Ego wulfhelmus dorobernensis aecclesiæ archiepiscopus consensi. Ego wulfstanus eboracensis aecclesiæ archiepiscopus consensi et subscripsi. Ego Coenwald episcopus consensi et subscripsi.

Ego beornstan episcopus consensi et subscripsi.

Ego ælfwine episcopus consensi et subscripsi. Ego þeodred episcopus consensi et subscripsi.

Ego wulfhun episcopus consensi et subscripsi. Ego winsie episcopus et subscripsi.

Ego ælfhæh episcopus consensi et subscripsi.

Ego Tidhelm episcopus consensi et subscripsi.

Ego burhwic episcopus consensi et subscripsi.

Ego cynsige episcopus consensi et subscripsi.

Ego ælfwald dux. Ego æþelstan dux.

Ego osfereð dux. Ego osulf dux.

Ego ælfstan dux. Ego uhtred dux.

Ego regnwald dux. Ego scula dux.

Ego þureferð dux. Ego healfden dux.

Ego odda minister. Ego wulfgar minister.

[fo. 6r]

Ego ælfhæh minister. Ego æþelnoð minister. Ego Eadnoð minister.

Ego Æþelstan minister. Ego wulfsige minister. Ego wihtgar minister.

Ego Æþelmund minister. Ego ælfnoð minister. Ego ælfere minister.