Record # 3 (Sawyer 1280, dated 904)

[Cotton Tiberius A. xiii, fos. 6v–7v]

(Note in left margin: “Lænhaga and landlæn. æþerede and æþelflæde.”)

Omnibus namque sapientibus notum ac manifestum constat quod dicta hominium uel facta pro multiplici eriminarum perturbatione et cogitationum uagatione frequenter ex memoria recedunt nisi litterarum apicibus et custodie cautela scripturarum reseruentur et ad memoriam reuocentur . Quamobrem anno dominicæ Incarnationis . dcc^occ . ii^oii . Indictione uero . i . has ob memoriam posteritatis literas scribere Iussimus . Ðæt is ðonne ðæt uuerfrið bisceop and seo heoredden æt weogernaceastre syllað and gewritað æþelræde and æþelflæde heora hlafordum þone hagan binnan byrig Æt weogernaceastre se is from þære ea seolfre bi þam norð wealle eastweardes . xxviii . roda lang . and þanon suðweardes . xxiiii . roda brad . and eft þanon westweardes on sæferne . xviiii. roda long . and eac hio sellað him þæt medwe lande biwestan sæferne on efen þone hagan anlang þære bisceopes dice of ðære ea þæt hit cymð west ut on þæt mor on dic . and swa norð ut on efen þæt gelad . and swa eastweardes ðæt hit cymeð eft wiðnioðan ðæt gelad on sæferne . Eac hio sellað him be beferburnan þa ludading wic and ec þærTo sextig æcera earðlondes besuðan beferburnan. and oþer sextig benorðan . and ec swiðe rumodlice twelf æceras þærto fulgodes mædwelandes . and eall hio sellað þis him hiora milde mode and wilniað him to þæt hio [fo. 7r] sion ægðer ge hlafardes freond ge þære higna ge þære circan . and hio his willað alning him Toearnigan dæges and nehtes mid heora godcundnesse swa hio bestð magon . and hio hit hæbben a ge bynnanbyrg ge butan unbesacen wið ælce hand þa hwile þe hio lifgean . and gif ælfw leng sio . þonne sy hit hyre swa unbesacen þa hwile þe hio lifge. and ofen hyra þræora dæg agefe hit mon eft þære circan hlafarde swa gegodad swa hit þonne sio for hiora þriora saule butan æghwelcum geflite gif god wile þæt hio hit gegodian moton. Augentibus et custodientibus retributio aeterne beatitudinis augeatur In celo . minuentes et frangentes sempiterna Increpatione redarguantur nisi prius digna satisfactione emendauerint; Þas gerædnisse eall se hiored ge giung ge eald mid cristes rode tacne gefæstnodon . and þara twelf noman her stondað awritene beæftan :-- and eac þara frionda noman þe we us to gewitnesse gecuron. Æþred aldorman and æþelflæd mercna hlafardas mid us hit gewriotan .

Ego uuerfrið episcopus propria manu consensi æt subscripsi.

Ego Cynhelm diaconus et abbas subscripsi.

Ecfyð presbyter consensi. Wiglaf presbyter consensi. Oslac presbyter consensi.

Cynað diaconus subscripsi. Bernhelm . earduulf.

Uulfred. Uullaf. Ciolhelm.

Alhmund. Eadgar bisceop. Aldred.

Æþelfrið ealdormon . Ælfred. Ælfstan.

Eadric . Uulfhun . [STAIN OBSCURES THIS PORTION OF FOLIO].

æðeredes gerædnis and æðelflæde wið wærfrið bisc. and wið þone heored on wigerna cestre.