Record # 39 (Sawyer 1362, dated 990)

[Cotton Tiberius A. xiii, fos. 60v–61v]

æt cumtune. æþelmære.

In usses drihtnes noman hælendes cristes. Ic oswald arcebisceop mid geþafunge and leafe þæs arwurðan hyredes on wiogernaceastre ge iunges ge ealdes gebocige sumne dæl landes minan holdan and getriowan men þæm is æþel [fo. 61r] mær nama on twam stowum twega hida landes on þreora manna dæg ane hide on cumtune on his hamstealle and healf þone wudu þærto and oþre on mersce for his eadmodre hyrsumnysse and for his licweorðan feo þæt is twa pund merehwites seolfres. and xxx . euwna mid hiora lambum. and iiii . oxan and twa cy and an hors þæt is þæt hæbbe and wel bruce his dæg and æfter his dæge twam erfeweardan þam þe him leofest sy and him to geearman wylle and hio hit hæbben tofrion ælces þinges butan wealgeworce and brygegeweorce and ferdsocne ; þis synd þære anre hide land gemæru on merste ærest of æþestanes gemære to þam wylle on bileshamme þonne ut to þam middel geare . þis wæs gedon þy geare þe wæs agan fram cristes gebyrtide nigon hund wintra and hund nigontig wintra on þara broðra gewitnyse þe hiora naman her beneoðan awritene standað . Ic oswald arcebisceop mid cristes rod tacne þas sylene gefæstnode. æþelstan primus.

ælfsige presbyter. æþelric diaconus.

eadgar presbyter. cyneþen clericus.

wistan presbyter. wulfgar clericus.

æþelsige presbyter. leofwine monachus.

æþelstan presbyter. wulfric clericus.

godingc diaconus. wulfnoð clericus.

leofstan diaconus. wulfwine clericus.

wulfweard diaconus. and Ic gean him þæs worðiges æt bryneshamme þe æþelm ahte and þæs croftes þærto beeastan þære stræte on þæt ilce gerad þe þis oðer is.