Record # 7 (Sawyer 1432, dated 822×823)

[Cotton Tiberius A. xiii, fo. 9r]

(Note in right margin: “Bremergrafan”)

Ceolulf rex wilnade þæs landes æt bremergrafan to heaberhte bisceope and to his higun and þa sende he his ærendwreocan to wulfhearde to intanbeorgum . and heht þæt he cuome to him and to þæm higum þa dyde he swa þa heo him to spræton se bisceop and his weotan ymbe þæt land þæt he his him geuðe þæt heo mehtan þone freodom begeatan . and þa wæs he eadmodlice ondeta þæt he swa walde and to him wilniende wæs þætte heo him funden swylce lond are swylce he mid arum on beon mehte and his wic þær on byrig beon mihte on his life . þa sende he monn to þæm arcebisceope and to eadberhte and to dynne and him heht sæcgan þæt he wilnade þæs landes æt intanbeorgan . þa se ærcebisceop and eadberht hit wæran ærndiende to cyninge þa cuom dynne to gelærde þone cyning þæt he his no geþæf wæs . þa wæs higen and hlaforde lond unbefliten eghwæs and seoððan a oð his daga ende.